TURA: Adita salrangna skang Dalu jolo donggipa Chandapara songni bilsi 17 ong·gipa me·chik bi·sa saksako ka·saninggija dake so·otanio jak dongani gimin South Garo Hills a·jani police-rang, Dangsugre songni bilsi 22 ong·gipa Bimstar R Marak minggipa mandeko rim·aha.
Koborko on·ani gitade, Chandapara songni bilsi 17 ong·gipa Grenchira M Marak, re·anggipa December 1 tariko an·tangni SSLC selection test porikkako sena re·angaonin noktangona sokangpilkujaenga ine December-ni 4 tariko South Garo Hills a·jani police-rang, seachi badi ka·aniko man·soahachim indiba ia me·chikni manggisiko ua apsan pringni 7:00 bajimango Chaipani songona dakanggipa Dangsugre jolni buringgriponikosa man·ahachim.
Ia me·chik bi·sako drae til·ekani ja·man so·ote galaha ine police-rang chanchichipenba, dos dakgipa mandeko sandina a·bachengaha aro uandaken December-ni 6 tariko Dimapara ICP-ni in-charge, dos dakgipa Bimstar R Marak ba Bimbim-ko Dangsugre songo donggipa uni nokoniko rim·na man·aha ine u·iataha.
Dos dakgipa mandeko rim·ani ja·man Baghmara Women Police Station-ona rimangaha aro iani bidingo mokordomako segataha ineba police official-rang u·iataha.
Ia me·chik bi·sako ka·saninggija dake so·ote galahani gimin jolo songdongenggipa manderang aro dingtang dingtang dolrang, uko so·otanio jak donggipa manderangko ta·raken rim·china dabitokengachim ine nikna man·a.
Dalu-ni bilsi 17 ong·gipa me·chik bi·sako so·otanina mande saksako rim·a
Date:
Share post:
