TURA: Chokpot songona dakanggipa rama jal·langrang namsrangjaengahani a·sel songni nokni manderang neng·nikanirangko chagrongna nangtokengani gimin re·anggipa Budbar salo Garoland State Movement Committee (GSMC)-ni dilgiparang, Chokpot sub-division-ni ning·o donggipa Sabiagre songona re·ange songni nokni manderang baksa agan-chanchirimanirangko dakangaha.
Ia tom·anio GSMC headquarter-ni assistant general secretary Cyril A Sangma baksana GSMC Babadam unit-ni environment secretary Silbat A Sangma aro GSMC Chokpot unit-ni chief adviser Obeston M Sangma, dongpae bak ra·angaha aro uamang manderangni agananirangko knatime ra·baaha ine u·iataha.
Ia tom·anio songni nokni manderang, GSMC-ni dilgiparangna an·tangtangni neng·nikanirangko janapatengon, Chokpot jolrango rama jal·langrang namsrangjaengahani a·sel wachini somoirango neng·nikanirangko chagrongna nangbatenga ine ia rama jal·langrangni bidingo sorkari baksa agangrikchina aro rama jal·langrangko tarie on·na didichina gita GSMC-ni dilgiparangko mol·molataha ine GSMC-ni assistant general secretary Cyril Sangma parakataha.
Chokpot ramani bidingo GSMC, songni manderang baksa tom·e chanchirima
Date:
Share post:
