SHILLONG: Meghalaya a·doko Trinamool Congress (TMC)-ko bilakbatatna gita TMC-ni dilgipa aro West Bengal a·dokni Chief Minister Mamata Banerjee, Krismasna skang Meghalaya a·dokona re·banaba gnang ine kobor on·timgiparang u·iataha.
Kobor on·timgiparangni u·iatani gitade, ua December-ni 20 tariko Assam-ona sokbae Guwahati songjinmani Kamakhya Temple-ona re·angchengnaba gnang. Uni ja·man ua salgipino Shillong-ona re·anggen ine kobor on·timgiparang u·iataha.
“Meghalaya a·dokona sokbaani ja·man ua TMC-ni kamrangko Shillong-o nipilanggen aro Meghalaya a·doko TMC-ni dilgiparang baksa tom·anirangko ong·atanggen. Shillong-o ua kobor ra·timgiparang baksaba agangrikani cholrang gnang,” ine kobor ra·timgiparang parakataha.
Re·anggipa November jao, Meghalaya a·dokni gitcham chief minister aro Congress dolni dilgipa Mukul Sangma, Congress dolni sak 11 MLA-rang baksa TMC-o napangani ja·man salgro salaram jolo TMC bilakbana a·bachengahachim.
Meghalaya a·doko Congress dolni sak 12 MLA-rang, TMC-o napangani ja·man Garo Hills-o Congress dolni chadamberangko dilgiparangba TMC-o napangtokaha aro GHADC-oba Congress dolni gimik sak 11 MDC-rangan TMC-ona napangtokahachim.