SHILLONG: Public Works Department (PWD-Roads)-ni ning·o ra·gatgipa project-rangoni mitamkode matchotmanaha aro mitamkoba matchotangengaha ine a·dokni PWD (Roads) Minister aro a·dokni a·dokni Deputy Chief Minister Prestone Tynsong parakataha.
Tynsong-ni parakatani gitade, ia project-rangko a·dok sorkari, 2018-19 aro 2019-20 bilsirangni gisepo a·bachengatahachim. Matchotkugijagipa project-rangoni Umpling aro Mawlai-o rikenggipa dolongrangko matchotatna gita ua krenge kamko ka·enga ineba PWD (Roads) Minister parakataha.
Ia dolongrangko rikanichi ramarango apchangket ong·aniko aditade olgrokatna man·gnok ine janapatengon, ia dolongrangko March jani gisepon matchotatna gita somoiko tik ka·e donmanaha ine Tynsong parakataha.
COVID-19 sajinmani a·sel aro wachini somoirango chirang banrongani a·sel Rynjah-oni Umpling-ona dakanggipa dolongko rikanio bilsignimangnade ja·manchakahachim ine nikna man·a.
World Bank-ni gita dakchake on·enggipa ming 12 project-rangkode 2022 bilsini gisepon matchotgnok ine adita salrangna skangsan PWD (Roads) Minister parakatahachim.
Ia ming 12 project-rangoni ming 10-de rama tariani aro ming 2-de dolong tariani project-rang ong·achim.