SHILLONG: A·gilsak gimikon COVID-19 sabisiko man·giparang bang·rikrikbataiengon, Meghalaya a·dokoba apsandake COVID man·giparang bang·rorobataiengaha. Indake mijal Sonibar salni bako sak 73 manderang COVID man·dapaha, jeon COVID man·giparangoni saksnisan sabisioni nampilaha indakoba sigipade dongangjaha.
Mijal Salni bako sak 73 COVID sabisi man·dapgiparangoni East Jaintia Hills-o sak 1, East Khasi Hills-o sak 50, Ri-Bhoio sak 2 aro West Garo Hills-o sak 20 manderang COVID man·dapaha.
Sonibar salni bako East Khasi Hills-o sak 5 aro aro West Garo Hills-oni sak 2, gimik saksni manderang COVID-oni nampilaha.
Meghalaya a·doko COVID sabisiko man·giparang mijalona gimikchi sak 85,158 gapangaha, uamangoni sak 83,345 manderang COVID-oni nampilaha, sak 1,485 manderang COVID-o siangaha, COVID man·giparang Meghalayao da·o sak 328-ona tang·doangtaiengaha.
Meghalayao da·o sak 328 COVID man·e dongenggiparangoni East Jaintia Hills-o sak 2, East Khasi Hills-o sak 265, North Garo Hills-o sak 1, Ri-Bhoio sak 9, South West Khasi Hills-o sak 3, West Garo Hills-o sak 40, West Jaintia Hills-o sak 7 aro West Khasi Hills-o sak 1 dongkuenga.
