SHILLONG: Maming niam donna gri Hynniewtrep National Liberation Council (HNLC) bobil dol sorkari baksa agangrikna kusi ong·aniko parakmanahani gimin Mongolbar salo a·dokni Chief Minister Conrad K Sangma, Delhi-ona re·ange Home Affairs Ministry-ni official-rangko grongegnok.
Iani bidingo kobor ra·timgiparangna talataniko on·angengon, ua Mongolbar salo Delhi-ona re·ange HNLC bobil dolni agangrikna on·enggipani bidingo ma·mong sorkari baksa agangrikgen ine Sombar salo Chief Minister parakataha.
“Mongolbar salo anga Delhi-ona re·angengaha aro Delhi-o anga MHA-ni official-rangko gronge, HNLC bobil dol baksa agangrikani bidingo chanchirimanggen,” ine Chief Minister parakataha.
HNLC bobil dol baksa agangrikna a·dok sorkari ku·baltitimgipako seokna kamrangko ka·engaha aro iana adita sak manderangni bimingrangko sandie donmanaha ineba Chief Minister parakataha.
“Chinga ma·mong sorkari baksa agangrikani ja·man nanga gita u·iataniko man·soahaode HNLC bobil dol baksa agangrikna ja·kurangko de·anggnok,” ine Sangma aganaha.
Re·anggipa February-ni 9 tarikon HNLC bobil dol, sorkari baksa agangrikna tariani bidingo seachi sorkarina u·iatahachim.
Champengako man·gipa Hynniewtrep National Liberation Council (HNLC) bobil dolni palo aganchakdilnagipa mandeko seokna gita a·dok sorkari chanchie donmanaha ineba Pa Sangma parakaha.
“Chinga iana skangen kam ka·enga aro HNLC-ni palo aganchaknagipa mandeko seokna gita manderangni bimingrangko nie donmanaha. Indake Ministry of home Affairs (MHA) aro Ma·mongni ku·watatako man·jokon chinga iana re·chakkatgnok’’ ine Chief Minister Sombaro koborni manderangna aganaha.
HNLC-ni bidingo ma·mong sorkari baksa agangrikna Delhi-ona re·angenga: CM
Date:
Share post:
