TURA: MDC-na seokako man·na skang, Zikzak GHADC constituency-ni MDC Aktar Ali, South West Garo Hills a·jao PMGSY ramako taria matchotgija galchipaha ine Garoland State Movement Committee (GSMC) Zikzak unit matnange, South West Garo Hills a·jani Deputy Commissioner-na sedoataha.
Adita salrangna skangsan, Zikzak MDC-ni kosako GSU Zikzak unit-ni gitaba rama tarianirangko matchotgija galchipaha ine matnangatenba, Deputy Commissioner-na sedoatahachim ine nikna man·a.
Indake ong·engon, ia changoba Zikzak MDC-ni kosako GSMC Zikzak unit-ni gita matnange badi DC-na badi ka·doangtaiaha.
Iani bidingo South West Garo Hills a·jani Deputy Commissioner-na badi ka·doangengon, Aktar Ali-ni contractor ong·e kamko ka·engmiting somoio Zikzak-oni Katuligre-ona km 11 ong·gipa PMGSY ramako matchotgija galchipaha ine GSMC Zikzak unit matnangataha.
“Ia ramako matchotgija galchipe donahani a·sel da·o ia bilsio seng·gnangan mikka wachakatahani gimin ramarang a·dubekrara dake manderang re·ruraanirango neng·nikanirangko chagrongna nangtokengaha.
Rama a·dubekrara dakani gimin manderang gele re·na jotton ka·oba ramasamrangon rama tariani bosturangko gale donskaani a·sel neng·nikanirangko chagrongna nangtokenga,” ine GSMC Zikzak unit-ni dilgiparang parakatenba, iani bidingo ta·raken kamrangko nirokatchina aro ramako ta·raken matchotatchina DC-ko didiataha.
Rama tarianiko matchotgija galchipa ine Zikzak MDC-ko matnangtaia
Date:
Share post:
