TURA: South Garo Hills district-o PMGSY scheme-ni ning·o tarigipa ramako namen tarijaengani gimin Garo Hills-ni songdonggipa suk ong·gijaniko parakaha.
Social media-o giprorogipa video-o nikani gitade, rama taria matchotnasienggipa bang·bata biaprangon algatra on·gipako altuaen kikgaltna man·aniko nika. Joltangni manderangni aganani gitade ia ramako Guwahati Assamni MP Agarwal minggipa mande kamko tikka ra·ahachim. Joltangni manderangni aganani gitade, rama gital tarigipakon altuae pitch ba algatra rudapgiminko kike galna man·aiachim.
Ia ramani bakroara km 20 bata jean Karukol songoni Nengkong aro Emangre gita Tolegre songko nangdimatachim.
Iani bidingo contractor, district-ni EE aro SE-ni kosako matnangenba uamangni kosako ja·kuko de·china gita social mediako jakkalgiparang district administration-ko mol·molataha.
