Tura-o Field Level Financial Literacy Event-ko ong·atanga

 

TURA: Tangka paisarangko jakkalani bidingo agan-talate on·na gita Budbar salo, Field Level Financial Literacy Event (FLFLE)-ko Tura Dakkopgre-ni SMELC building-k ong·atangaha aro ia program-ko ong·atanio a·dok sorkarini official-rang, DDM-rang, LDM-rang, dingtang dingtang bank-ni regional manager-rang aro dingtang dingtang self help group (SHG)-ni membor-rangba dongpae bak ra·angaha.

Ia program-ko ong·atanio West Garo Hills a·jani Deputy Commissioner Ram Singh, mongsonggipa sokgipa ong·e jinmana aganprakengon, a·jao seokgimin manderangna sorkari tangka paisani gita dakchakanirangko on·enga aro bank-rangan manderangna financial linkage-rangko on·na dakchakenga ine parakangaha.

Dingtang dingtang kamrangko ka·e cha·na aro janggi tangani cholrangko on·na gita bank-rang, manderangna loan-rangko on·e dakchakenga ine talataniko on·angengon, ia loan-rangko manderang bank-na chotpilna nangani gimin bading chiwalani kamrangko seokengon, name chanchiesa seokna nanga ine DC aganaha.

Game ge·e cha·anirang baksana wak, do·o, na·tokrangko jile cha·china aro ong·telaigipa a·salrangchi game ge·e cha·anirangko dakchina gitaba ua didiangaha.

Ia program-ko ong·atanio dongpae jinmana aganprakanggipa gipin manderangara, Shillong-o donggipa Reserve Bank of India (RBI)-ni General Manager P Gangte, SBI Regional Chandmary Branch-ni Assistant Regional Manager Dharmananda Banai, Shillong RBI-ni Manager Abhishek Dey aro gipinrang ong·a.

Get real time updates directly on your device, subscribe now.

Comments are closed.