SHILLONG: Medical aro engineering college-rango poraina ka·oksie dongenggipa chatro chatrirangna namgniko dake on·na man·a gita ge·gni medical colllege aro Shillong Engineering College project-rangko ta·rake matchotatchina gita Opposition AITC, Sukrobaro a·dok sorkariko didiaha.
House-o chanchirimanio bakko ra·e aganengon, batanggimin 2012-on Shillong aro Tura-na project-rangko chamatahaomangba Meghalayao da·alonaba medical college ge·saba dongkujaenga ine AITC MLA Zenith M Sangma aganaha.
“Kamrang baditana chu·sokangaha anga u·ija. Ian da·onade machoteba session-rangko a·bachengani ong·pilahachim. Ia project-rangko matchotaha ong·ode, ia ge·gni medical college-rango komibeoba ge 100 prak seat-rangkode MBBS course-rangko poraina man·gnokchim. Aro apsankon engineering college-oba dakna man·genchim,” AITC MLA aganaha.
Ua indakeba gisik ra·ate aganaha je batanggimin sorkari College of Architecture aro Urban Planning-na 2012-ona sanction ka·aha ba chamaha, jean salgro salaramo skanggipa ong·genchim.
“Ia college-ba da·onaba bimang ong·kuja. Unigimin poraigipa chatro chatrirangni namgnina nokrik nokdakani kamrangko ta·rakatchina gita anga a·dok sorkariko didina nangnika. Ia pilak institution-rangan an·chingna namen mongsonggipa ong·enga, maina Covid-19 sabisi sajinmani a·sel an·chingni dedrangko a·palchina poraina watatna gita namen neng·nikanirangko man·enga,” Pa Sangma aganaha.
General discussion ba jinmani chanchirimanio bakko ra·e aganengon, Itshyrwat-oni Mawdiangdiang, Mawkasiang aro Mawpdang songrangona dakanggipa km 12 bakrogipa ramako apaldapatanina aro taridapanina Mawryngkneng MLA, Pyniaid Sing Syiem, a·dok sorkariko mittelaha.
Medical, engineering college project-rangko ta·rakatchina Opp didia
Date:
Share post:
