SHILLONG: Robibar saloni Sombar salona konta 24-ni gisepo Meghalaya a·dok gimiko sak 4 manderang COVID-19 man·daptaiaha aro ia apsan salon a·doko mande saksa COVID man·e siangdapskaaha.
Konta 24-ni gisepo COVID-19 man·dapgipa sak 4 manderangko channe da·o Meghalaya a·dok gimiko COVID-19 man·e dongenggiparang sak 83 gapaha aro ia apsan salon mande saksa COVID-19 man·e siangdaptaiahani gimin a·dok gimiko COVID man·e sianggiparangara gimik sak 1590 gapskaengaha.
Konta 24-ni gisepo COVID man·gipa sak 4 manderangoni, sak 1-de East Garo Hills-o, sak 1-de East Khasi Hills-o, sak 1-de Ri Bhoi a·jao aro sak 1-de West Khasi Hills a·jao ong·a.
Salsani gisepo COVID man·e sianggipa mande saksara South West Khasi Hills a·jao ong·a.
Ia apsan salon gimik sak 4 manderang Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 92,001 gapskaengaha.