SHILLONG: Meghalaya a·doko Sonibaro sakdok manderang Covid man·dapaha aro sakbri gipinrang sabisioni nampilskaaha, unomitingo saksa Covid man·e siangaha.
Sonibar salni baksa East Khasi Hills-o sak 3, North Garo Hills-o sak 1, West Jaintia Hills-o sak 1 aro West Khasi Hills-o sak 1 gimik sakdok manderang Covid man·dapaha, unomitingo apsan salon East Khasi Hills-o sak 1, Ri-Bhoi-o sak 1 aro West Khasi Hills-o sak 2 gimik sakbri manderang covid-oni an·sengpiltokaha, jeon East Jaintia Hills district-o saksa covid-ni a·sel siangaha.
Meghalayao Covid-19 sabisiko man·giparang gimikchi sak 93,714 gapangaha uamangoni sak 92,062 manderang sabisioni nampilaha, sak 1,591 manderang sabisio siangaha, covid man·giparang a·doko da·oba sak 61 dongkuenga.
Meghalayao covid man·e dongenggipa sak 61 manderangoni East Garo Hills-o sak 1, East Jaintia Hills-o sak 1, East Khasi Hills-o sak 16, North Garo Hills-o sak 2, Ri-Bhoi-o sak 5, South Garo Hills-o sak 3, South West Garo Hills-o sak 1, South West Khasi Hills-o sak 3, West Garo Hills-o sak 11, West Jaintia Hills-o sak 9 aro West Khasi Hills-o sakbonga.
