SHILLONG: Mikkang bilsi 2023 Assembly election-na gipin political dolrang gitan HSPDP-ba election-na tarisoaniko a·bachengataha aro NPP baksaan changsatai bakrime kam ka·na chanchienga.
Gitchambatgipa regional party-na chakpaaniko, West Khasi Hills, South West Khasi Hills aro Ri-Bhoi district-rango sandina a·bachengataha.
“Kamrangko a·bachengatanio chinga songrangona re·enga aro mikkanchi ta·rakbate kam ka·anggen unbaksana chinga Jantia Hills-onaba sokna jotton ka·enga ine HSPDP chief KP Pangiang aganaha.
Minggipin gipin political dolrangni dal·dale kattarangkoa gana gita agana sikja ine janapate, “ia changde HSPDP, skangna bateba bilakbate jotton ka·gen aro jekon manifesto-o maidakgipa mamlarangko napatgen aro ua mamlarango maidake kam ka·gen iani gimin kam ka·enga,” ine agankuaha.
HSPDP chief, sak 60 memborni house-o uamangni nombor baridapna ka·dongsoenga.
“Chinga dal·dale kattarangko agana sikja, chingni regional party-ni kamko manderang mikrontangchi nikaigen. Uandake chinga bakrimgipa dolko maming saloba togija, je dol baksa bakrime kam ka·a, uamang baksa gisik on·e kam ka·giparang ong·a.”
HSPDP, NPP-ni dilenggipa MDA sorkario bakrimgipa ong·a. House-o uamangni sakgni MLA donga.
Get real time updates directly on your device, subscribe now.
Comments are closed.