SHILLONG: Meghalaya-ni rama nosto ong·engani gimin National Highways Authority of India jajrengataha aro iani bidingo Chief Minister Conrad Sangma-ko grongna chanchienga.
NHAI-ni top official, The Shillong Times-ni kobor ra·timgipa baksa agangrikaon, “nanga badee mal ba jrimgipa bosturangko gatprete gari salengani a·sel rama nosto ong·enga,” ine aganaha.
“Jowai-Ratacherra ramao 50-60 jrime bostu gate gari salako nikna man·a aro higway jolo aditan jabolrangko galanikoba nikna man·a. Iarangko a·dok sorkari nirokna nangao ga·aka.”
Uandake NHAI, Jorabat-Khanapara jolo a·briko cho·a ba den·ani a·sel NHAI-ni drain-o champenganiko nikna man·ani giminba jarjengataha.
Indake highway jol sepango donggipa a·briko den·ako dontongna mol·molaha. Unbaksana ua jolrango petrol pump-ko rikna changni chang a·brirangko den·e galenga ba cho·enga, jeni a·sel rama nosto ong·skaenga.
“Ramarangko nosto ka·e gimikan an·tangtangna business-ko rikenga indiba ramani gimin darangba jajrengani dongja, indiba chinga nosto ong·enggipa ramana namen jajrengata. Khanapara-oni Jorabat-ona 6 lane ramako rikna propose ka·aha indakaon ua jolo a·bri cho·ani a·sel rama nosto on·aha.”
“Iarangni gimin chinga Chief Minister-ko gronge agangrikgen.”
Meghalaya-ni nationa highway, ramarango nangana batpilen jrimgipa garirangko watani gimin rama nosto ong·enga, jeni a·sel dilgni mongsonggipa Dwar-Ksuid aro Sonapur rama nosto ong·aha.
