Friday, March 14, 2025

HNLC-ni gitcham dilgipako so·otani bidingo hearing dakaniko Apr 23-o matchotatna miksongenga

Date:

Share post:

spot_img

 

SHILLONG: Hynniewtrep National Liberation Council (HNLC) bobil dolni gitcham dilgipa Cheristerfield Thangkhiew-ko police-rangni so·ote galani bidingo gitcham Justice T Vaiphei-ni hearing dakaniko re·baenggipa April 23 tariko matchotatna miksongenga.

Ia a·selni bidingo inquiry-ko dakenggipa gitcham Justice T Vaiphei-ni Sombar salo, kobor ra·timgiparangna parakatani gitade, ia a·selni bidingo changgipin hearing dakaniko April-ni 22 tariko ong·atanggen aro ia a·selni bidingo inquiry dakaniko matchotate uni report-ko tarina gita ua April-ni 23 tariko pilak dolrang baksa apsan chanchirimaniko dakna miksongenga.

Ia a·selni bidingo April-ni 8 tarikoba hearing-ko dakangahachim aro ua salo ia Inquiry Commission, Khliehriat Police Station-ni Investigation Officer-koba sing·sandiangahachim. Ia investigation officer-ko sing·sandianio ua case diary, post mortem report aro gipin lekkarangkoba inquiry commission-na mesokataha.

Indake ong·engon, April-ni 23 tariko ia Investigation Officer, HNLC-ni gitcham dilgipako so·otanio jakkalgipa silchidarerangko, photo-rangko aro gipin nangchongmotgipa sakkirangko mesokgen ine ka·dongenga aro maming dal·a sakkirang ba ma·sidapna nanganirang dongjagenchimode commission-ni hearing dakaniko April 23 tariko matchotatna miksongenga ine Justice Vaiphei parakataha.

Sorkarini on·dapgimin somoi May 20 tarikna skangan ia commission, sorkarina report-ko on·gen ineba ua parakataha.

Ia a·selni bidingo da·o dipet ia commission-ni gita chang 20-mang hearing-ko dakahachim ine nikna man·a.

Iana skangba ia inquiry commission, ia a·selni bidingo so·otako man·gipa Thangkhiew-ni chonbatgipa depante, Thangkhiew-ni jikgipa aro Mawlai police station-ni investigation officer-koba sing·sandiangahachim.

Iana agreba, re·anggipa bilsini August 13 tariko, Shillong songjinmani Kynton Massar gittimo police-rangni chadrapaniko dilgipa East Jaintia Hills a·jani SP Jagpal Singh Dhanoa baksana sorkarini bang·a sakkirangkon ia commission sing·sandiahachim.

Ia inquiry-ko matchotna gita a·dok sorkari, re·anggipa February 20 tariko jagittam somoiko commission-na on·dapahachim.

Re·anggipa 2021 bilsini August 13 tariko HNLC-ni gitcham dilgipako police-rangni so·ote galani ja·man Shillong songjinmao ding·chaoanirang ong·katahani gimin ia a·selni bidingo judicial inquiry-ko dakchina Meghalaya sorkari ge·etangahachim.

spot_img

Related articles

‘New Zealand PM Luxon has huge appetite to engage with India’

Auckland, March 14: India-New Zealand bilateral relationship is expected to get further strengthened across all sectors and close...

‘Rajmata’ will be first tigress of Rajasthan to be honoured with installation of statue at Sariska

Jaipur, March 14: A life-sized statue of tigress ST-2, who was also called 'Rajmata', will be installed in...

India needs to call Turkey what it is – sponsor of terrorism: Top Middle East expert

New Delhi, March 14: In a detailed and exclusive interview with IANS, Michael Rubin, a leading expert on...

The ‘Teen Deviyaan’ of Aamir Khan’s life: A story of love and transformation

Mumbai, March 14: Bollywood superstar Aamir Khan left the entire Mumbai media in utter disbelief when he introduced...