Tuesday, September 16, 2025
spot_img

Dobu-o rikgipa Vety hospital-ko galchipe donenga: NAS

Date:

Share post:

spot_imgspot_img

TURA: East Garo Hills a·jani Dobu songo rikgipa Veterinary hospital-ko jakkalgija galchipe donengani a·sel songni nokni manderang, an·tangtangni jilla kaanirangko sanna banna man·jae neng·nikanirangko chagrongna nangtokenga ine Williamnagar-ni Niksamso A·chik Society (NAS) parakataha.
NAS-ni general secretary Premiar N Sangma-ni parakatani gitade, Dobu jolrango songdongenggipa manderangni jilla kaanirangna sanna bananirangko on·na miksonge ia Veterinary hospital-ko 2017 bilsion rikmanahachim indiba ia hospital-ko da·onan jakkalgija galchipe donengani a·sel songni nokni manderang, an·tangtangni jilla kaanirangko sanna banna gita Williamnagar-onasa re·rurana nangtokskaengachim.
“Dobu songo veterinary hospital-ko man·ahani gimin songni manderang kusi ong·tokengachim indiba ia hospital-ko rikmanaoni da·o bilsi 5 ong·pilengahaoba ia hospital-ko jakkalgija donchipengani gimin suk ong·gijaniko paraktokengaha,” ine NAS-ni general secretary parakataha.
Indake ong·engon, Dobu jolrango songdongenggipa manderang, chel·a biaprangchi re·na nanggijan biaptango an·tangtangni jilla kaanirangko sanne banne ra·na man·na gita ia veterinary hospital-ko ta·raken chalaichina NAS, a·dokni Animal Husbandry & Veterinary Minister-na sedoataha.

spot_imgspot_img

Related articles

Owen Cooper makes history at 77th Emmys with supporting actor win

The Studio dominates with 13 wins English actor Owen Cooper has won the Primetime Emmy Award for Outstanding Supporting...

Before Busan, Shabana Azmi lauds Tannishtha as ‘rock of gibraltar’

Veteran actress Shabana Azmi praised actress-director Tannishtha Chatterjee as a “Rock of Gibraltar” for completing her directorial debut...

Bollywood actors Varun Dhawan and Janhvi Kapoor during trailer launch

Bollywood actors Varun Dhawan and Janhvi Kapoor during trailer launch of their upcoming movie Sunny Sanskari Ki Tulsi...

Farah to Akshay: Ready for Tees Maar Khan 2?

Farah Khan, a choreographer, filmmaker, and YouTuber, has asked actor Akshay Kumar to make part two of their...