Tuesday, July 15, 2025
spot_img

Assam-M’laya-ni golmalrangko namatna gnigipa agangrikaniko a·bachengatna nangnikenga: Tynsong

Date:

Share post:

spot_imgspot_img

SHILLONG: Assam aro Meghalaya a·dokni damdok sima jolrangko namatna gita dolgni sorkarirangni songgigrikaniko dingtang dingtang dolrang aro sima jolrango songdongenggipa manderang jegaltokengon, da·o bangki dongenggipa damdok jolrangkoba namatna gita bakan Assam sorkari baksa agangrikna nangnikenga ine a·dokni Deputy Chief Minister Prestone Tynsong parakatskaaha.

Deputy Chief Minister-ni parakatani gitade, ia gnigipa bakni bidingo agangrikaniko a·dok sorkari, Block I aro II baksana Khanduli jolni dilgiparang baksa agangrikanichi a·bachengatna miksongenga aro iani bidingo Meghalaya sorkari, Assam baksa apsan am·sandianirangko dakna tik ka·grikmanaha.

Gnigipa bakni bidingo agangrikaniko a·dok damgnini chief minister-rang tik ka·grike a·bachengatgen ineba Tynsong parakataha.

Damdok jolrangni bidingo a·dok damgnini songgigrikgiminko nipiltaina nangani katta dongjaha ine janapatengon, a·dok damgnini songgigrikanio bang·a bang·ja neng·nikanirangde dongaigen indiba a·dok damgnian namnikgrike songgigrikmanaha ine Tynsong parakataha.

Golmal ong·enggipa damdok jolni 26 sq km a·arangko Meghalaya aro Assam a·dokni gisepo apsangrik ong·en sualgrikaha ineba ua aganaha.

Manderangni a·ako a·dok sorkari, Assam-na pakwate on·na man·ja ine KHADC-ni agangipa kattarangni gimin janapatengon, ia a·arangara mikkangchiba nokgiparangnin ong·aigen aro iako sorkari maming dakeba kal·akjaenga ine Deputy Chief Minister parakataha.

“A·arang Meghalaya-o ong·ode ia a·ani nokgiparang Meghalaya a·dokni manderangan ong·aigen aro Assam-o ong·ode Assam-o songdongenggipa manderangnin ong·aigen,” ine Tynsong talatangaha.

Itihasko nipile dongaigenchimode a·dok damgnini simarango ong·enggipa golmalrangko namatchipna man·jawa ineba ua aganaha.

2011 bilsio Meghalaya a·dokni a·kanggipa a·arangni bidingo Assam-na on·atna skang, Meghalaya a·dokni gitcham chief minister Mukul Sangma, Cabinet baksa chanchirima dongjahachim ineba Tynsong matnangataha.

“Ua an·tangsa a·dokni a·kanggipa biaprangko segataha aro iani bidingo chingna u·iatchenggija Assam-na on·ataiaha,” ine ua aganaha.

Ia obostani bidingo politics kal·jachina gita Mukul Sangma-ko mikrakatengon, ua an·tangan bilo ong·engmiting somoioba Maikhuli-o donggipa gopramni bidingo mamingkon dakna man·jahachim ine Deputy Chief Minister parakataha.

spot_imgspot_img

Related articles

Need to address de-escalation; competition should not turn into conflict: EAM in Beijing

BEIJING/NEW DELHI, July 14: India and China should build on “good progress” in normalising the bilateral ties to...

Air India CEO says crash probe raises more questions

NEW DELHI, July 14: The preliminary report into the crash of Air India flight AI171 last month has...

Tribal couple tied to wooden plough, paraded through village for marrying within clan

KORAPUT, (Odisha) July 14: A young couple was allegedly tied to a wooden plough and paraded through their...

Meghalaya Athletics body concludes first phase of selection trials

Tura, July 14: The Meghalaya Athletics Association (MAA) has successfully wrapped up the first phase of its Selection...