Ribhoi KVK, ‘Annadata Devo Bhava’-ko ong·ata

SHILLONG:  Azadi ka Amrit Mohatsav-ko mania gita Sonibar salo, Ribhoi KVK dal·begipa ba Mega Campaign ‘Annadata Devo Bhava’-ko ong·atangaha.
Programme-o Ribhoi-ni damgittam songrangoni sak 30 game cha·giparang aro me·chikrang bak ra·angtokaha.
Ribhoi KVK-ni PS & Head Dr. Mokidul Islam, programme-ona game cha·giparangko rimchaksoaha aro uamangna game ge·e cha·giparangni gamchataniko aro a·songko rikanio on·gilani gimin aganangaha. Iarangni gisepon game ge·e cha·giparangko organic farming, integrated farming system-ko jakkale noktangtango jakkalna nangchongmotgipa bosturangko bang·bate gamchina didiaha, aro joltango man·gipa bosturangko jakkale game cha·giparangko biltango pangchakgipa ong·na agan-ku·pattiangaha.
Uandake Ribhoi KVK-ni SMS Agronomy Dr Meghna Sarma-ba Azadika Amrit Mohatsav-ni gimin agantalate on·angaha aro ia Mahotsav-ara a·songni  manderangna ong·a ine aganaha.
Iarangni gisepon Farmers’ -Scientist Interactions-ko ong·ataha, Senior Scientist (Agronomy) Dr. Jayanti Layek, ICAR Umion-ni scientist-rang Dr. C Aochen aro Dr Phianim- uamang dingtang dingtang topic-rang jekai- Promotion of Natural and Organic Farming, Mittel crop, Bio-fortification, Crop Diversification ba uandakgiparango skie agane on·angaha.
Indake ong·engon, programme-o bak ra·giparangna kg 30 me·rakku bitchilko suale programme-ko matchotataha.