TURA: North Garo Hills a·jani Nishangram songo salgittamna ong·atanggipa ‘Spring Festival’ ba ‘Ritim Karin’ An·saoa’ ine biming done manianiko Sonibar salo tom·tome matchotataha.
Ia festival ba manianiko re·anggipa April 28 tariko a·bachengataha aro ia salgittamna ong·atanggipa manianio skanggipa changna Sue Kal·susaani, Budu Salgrikani (Tug of War) aro jatni dingtang dingtang kal·susaanirangkoba ong·atangaha.
Sue kal·susaanio skanggipa ong·e chegipana gong 20,000/- aro gnigipa ong·e chegipana gong 10,000/- tangkako boksis dake on·angaha.
Budu salgrikaniko me·asa aro me·chikrangna dingtang dingtang dake ong·ataha aro me·a-me·chik dolgninan boksisko skanggipa dolna wak mangprak aro gnigipa dolna do·orangko boksis dake on·skaaha.
Ia Spring Festival-ko matchotatani attamo dingtangmancha bi·sarangna git ring·ani program-koba ong·atangaha, jeon songni bi·sarang, dingtang dingtang gitrangko ring·e manderangko an·saoatangaha.
Ia Spring Festival-ko Nishangram Eco-Tourism-ni gita ong·atangaha.
Nishangram-o sal 3-na ong·atanggipa ‘Spring Fest’ tom·tome matchotanga
Date:
Share post:
