SHILLONG: Budbar saloni Bristibar salona konta 24-ni gisepo Meghalaya a·dok gimiko mande sak 5 COVID-19 man·daptaiaha indiba ia konta 24-ni gisepo a·doko COVID man·e sigiparang dongtaijaha.
Konta 24-ni gisepo COVID-19 man·dapgipa mande sak 5-ko channe da·o Meghalaya a·dok gimiko COVID-19 man·e dongenggiparang sak 8 gaptaiaha.
Konta 24-ni gisepo COVID man·gipa mande sak 5-oni sak 4-de Ri Bhoi a·jao aro sak 1-de West Garo Hills a·jao ong·a.
Ia salsani gisepo mande sak 2 COVID-19-oni nampilna man·aha aro ua ia mande sakgnian East Khasi Hills a·jao ong·a.
Da·o dipet Meghalaya a·doko COVID-19 man·e sianggiparang gimik sak 1593 gapengaha aro COVID-19-oni nampilgiparangara gimik 92204 gapskaengahachim.
