TURA: Adita salrangna skang, Garo National Council (GNC)-ni bilsini tom·bimonganiko Tura Wakagre-o ong·atangaha aro ia tom·bimonganio GNC-ni dingtang dingtang dilgiparang bakko ra·angtokaha.
Ia tom·bimonganio GNC-ni dilgiparang apsan chanchirimengon, Assam aro Meghalaya a·dokni simarango ong·enggipa golmalrangko namatna ja·ku de·anio a·dokni mitam songrangko Assam-o napatengani gimin, undergraduate course-na college-rango admission ra·na nangenggipa chatro chatrirangna Common University Entrance Test (CUET)-ko ong·atengani gimin, a·doko songdongenggipa manderangna bijolini bill-rang bate sokengani gimin aro uandakgipa dingtang dingtang kamrangni gimin chanchirimangenba, ia kamrangna a·dok sorkarini kosako jegalanirangko dakangaha.
Assam aro Meghalaya a·dokni simarango ong·enggipa golmalrangko namatna kam ka·ani bidingo chanchirimangengon, da·o gnigipa bako a·dok damgni nangrime kamko ka·na skangba, pilak dolrangko okame apsan tom·e chanchirimaniko ong·atchina gita a·dokni Chief Minister-na sedoatna gita GNC-ni dilgiparang tik ka·e donangaha.
Undergraduate course-na admission ra·enggipa chatro chatrirangna CUET porikkako ong·atengani gimin chanchirimangengon, Meghalaya a·dokko chu·gimik CUET-oniko watchina gita Delhi-o donggipa Human Resource Development Minister-na sedoatna gita GNC-ni dilgiparang manchie donangaha.
Ia tom·bimonganio GNC-ni dilgiparangkoba gital dake sualangpiltaiaha aro GNC-ko dilna gita seokako man·gipa manderangara, president-na Kalpana Sangma, vice president-na Nikman Ch Marak aro Henishyng A Sangma, general secretary-na Augustine R Marak, organising secretary-na Cherak R Marak, Silman A Sangma aro Doromhil S Marak baksana sak 20 executive membor-rang ong·a.
 |
ReplyForward
|