Shillong: (UNI) Air Officer Commanding-in-Chief of Eastern Air Command, Air Marshal DK Patnaik, Sonibar salo Meghalaya Laitkor peak-o donggipa Air Force Station-ko nirokna sokbaaha. Air Marshal Patnaik-ko Station Commander Group Captain Sandeep Singh rimchaksoaha.
Indake Air Marshal-na station-ni war fighting capacity aro operation-o bilsokanirang gimin talate on·aha.
Uandake Air Marshal Patnaik, station-ni dingtang dingtagn section-rangko nirokaha aro service-ni ka·enggipa kamrangkoba nirokangaha.
Air warrior-rang baksa agangrikaon, uamangna simsakbate aro gisik nange kam ka·ani gimin agan-ku·pattiangaha.
Iarangna agreba IAF-ni dingtang dingtang ja·ku de·anirangni giminba nirokangjolaha.
Aro air warrior-rangko be·en-bimangko an·sengbaljoke rakkian baksa gisikko bilake rakkina aganaangaha.
