Tura: West Garo Hills (WGH)-ni gital deputy commissioner Swapnil Tembe, mni Sukrobar May 20 tariko district-o chibana a·selko nirokna maidakgipa kamrangko ka·enga, iarangni bidingo dingtang dingtang department baksa tanggitik tom·e chanchirimangaha.
North East-o batanggimin adita salrangonin mikka waenganichi mongsongbate Assam aro Meghalaya-o chibana a·sel neng·nikako man·tokengani gimin neng·nikako man·tokenga. Dadenggre Civil Sub Division-o mongsobate plain ong·ani gimin chi man·a kenchakani donga.
“Mikkangchi chibana a·selna tarisona maidakgipa ja·ku de·anirangko tarisogen iani gimin chanchirimna meeting tom·aha. Neng·nikan salrango chu·songa gita nangchongmotgipa bosturang bon·changjana tarisona nanggnio chanchiangaha. Uandake POL, dakchakgipa dolrangko tarie donna aro relief centre ba uandakgiparangni gimin chanchirimaniko dakangaha.”
DDMA, Agriculture, Supply aro gipin dingtang dingtang department-rang baksa tom·angaha.
A·kawe jolrango chibana a·selna tarisona jotton ka·soenga. Maina a·kawe jolo chibana sokna altubata. Batanggimin anti gni somoirangonin mikka jime waanichin chini level batrikrikenga. Garo Hills-ni gipin bakrangoba batanggimin anti gni somoirangoni mikka jime waenga, ia bilsio gipin bilsirangna bate mikka waako nikna man·enga.
Indake ong·engon Phulbari jolni manderangba mikka jime chi batrikrikengani gimin kenani donga ine u·iataha.
