Shillong ISBT-ni bidingo BJP-ni report-ko ia antion NEC-na on·gen

 

SHILLONG: Shillong songjinmani Mawlai Mawiong-o Inter State Bus Terminus (ISBT)-ko rikanirang namjani gimin state BJP-ni Central Schemes Monitoring & Vigilance Committee, ia antini gisepo North Eastern Council (NEC)-na report-ko on·gen ine u·iataha.

“Ia ISBT-ko rikani bidingo chinga am·sandianirangko dakenba report-ko tarimanaha. Ia report-ko matchotatna gita committee-ni membor-rang changsa tom·e chanchirimangtaigen,” ine committee-ni membor saksa aganenba, ia tom·aniko salsa salgnini gisepon ong·atgen aro apsan salon report-ko NEC-na on·gen ine parakataha.

Koborko on·ani gitade, East Khasi Hills monitoring committee-ni chairperson Bernadette Lyngdoh, da·o dipet biaptango ong·jani gimin ia committee-ni tom·aniko ong·atna man·kujaenga.

Adita salrangna skangsan, BJP MLA AL Hek-ni dilanichi, ia committee-ni membor-rang, Shillong ISBT-ko nieahachim.

Ia ISBT-ko gong kror 48 korosrangchi rikahachim aro ia ISBT-ko re·anggipa bilsini July jao Union Home Minister Amit Shah-ni jakchi do·ga oe on·angenba, ia bilsini April 1 tarik dipet chalaina a·bachengahachim.

Indake ong·genchimoba, ia ISBT-ko kuliaoni antidokni gisepon, ia ISBT ning·o be·srianirang aro chi joksruanirangko manderang photo ka·e social media-rango watpriprana a·bachengatahachim.

Ia ISBT-ko indita koros ong·e rikahaoba, nokko rikanirang namjahani gimin a·dokni BJP dol, iani bidingo NEC-na report-ko on·na tika ka·ahachim.

Get real time updates directly on your device, subscribe now.

Comments are closed.