Tuesday, December 5, 2023

NEHU Tura campus-ni PVC-ko ra·galchina JAC dabia, jingjengatpiltaina ka·mikkenata

Date:

Share post:

TURA: Garo Hills-ni dingtang dingtang NGO-rang, chong·motan GSU, ASWA, GSMC aro iandakgipa dingtang dingtang dolrangni nangrime bikotskagipa All Garo Hills Joint Action Committee (AGHJAC)-ni gita, North Eastern Hill University (NEHU) Tura campus-ni Pro-Vice Chancellor G Singaiah-ko ra·galchina dabiangenba, uko ta·raken kamoniko ra·galjagenchimode jingjengatanirangko dakanggen ine mikrakataniko on·angaha.

NEHU Tura campus-ni PVC-ko ra·galan baksana dingtang dingtang dabianirangko chu·sokate on·jaengani gimin re·anggipa bilsioba AGHJAC, NEHU Tura campus-ni kosako jingjengatanirangko dakangahachim ine nikna man·a.

Ua somoio NEHU Shillong campus-ni Vice Chancellor, Tura-ona re·bae jingjengatenggipa dolrangna ku·rachakanirangko on·angani ja·manosa JAC-ni jingjengataniko dontongatpilahachim.

Indake ong·engon, Vice Chancellor-ni ku·rachakaniko on·angaoni da·o jadok batpilengahaoba, uamangni dabianirangko chu·sokate on·kujaengani gimin AGHJAC, suk ong·gijaniko parakatenba, gital dake jingjengataniko a·bachengpiltaina tik ka·angaha.

“NEHU Tura campus-ni PVC-ko ra·galchina aro chingni dingtang dingtang dabianirangko chu·sokate on·gen ine Vice Chancellor ku·rachakaniko on·angahaoba da·alonan chingni dabianirangko chu·sokatkujaenga. Uni gimin chinga nanga gita ja·kurangko de·piltaina tik ka·aha,” ine GSU-CEC-ni president aro AGHJAC-ni dilgipa Zikku Balgra Marak parakataha.

Marak-ni parakatani gitade, NEHU Tura campus-ni PVC, politics kal·e roahani a·selsa Post Graduate Students Union (PGSU)-ni election-koba ra·dona nangahachim.

“Maini gimin PGSU-ni election-ko ong·atna on·jaenga chinga ma·sina sikenga. NEHU-ni chatro chatrirangba an·tangtangna dilgipako seokna bil donga indide maina election-ko ong·atna on·jaenga? NEHU-o sawa election-ni chairman aro member-rang ong·enga aro maini gimin chingna talataniko on·jaenga?” ine AGHJAC-ni dilgiparang sing·doataha.

Related articles

Mizoram bucks the trend

The election results in Mizoram were along expected lines. Anti-incumbency was imminent and the Mizo National Front (MNF)...

Awareness on crop insurance the need of the hour

By Benjamin Lyngdoh The sudden onslaught of inclement weather adversely impacting upon farm produce is becoming more frequent. Meghalaya...

Pradhan Mantri Jana Aarogya Yojana: A view from the frontlines

By Nachiket Mor and Shuchin Bajaj Just over five years have now passed since the Pradhan Mantri Jan Arogya...

Letters to the Editor

Embracing college uniform for a positive learning environment Editor, I am writing to express my enthusiasm and support for the...