SHILLONG: Assam-Meghalaya a·dok damgnini sima arirangko tik ka·grikna gita, Assam aro Meghalaya a·dok damgnini Chief Minister-rangni Memorandum of Understanding(MOU)-ko soi ka·grikani ja·mano A·dok damnini sima-ario donggipa A·chik jatrangni neng·nikanirangko chagrongna nangengani gimin TSCF, NTDF, GGU, ADE, FKJGP, FAF, AYWO ugita Garo Hills-ni dingtang dingtang NGO-rang suk ong·gijaniko parakaha aro re·anggipa June 6 tariko tom·aniko ong·atenba, Assam-Meghalaya sima ario songgipa A·chik jatrangna chakpaaniko parakaha. Indake uamangni indakgipa chagrongna nanggijagipa a·selrangko chagrongna nangengania Meghalaya sorkarini daito ong·a aro ia neng·nikanirangko Meghalaya sorkarian daito ra·e kam ka·na nanga ineba NGO-rang aganaha.
A·dok damgnini sima ario krongrangko songa ong·ode, Ma·mong Sorkarini authority-rangni aroba A·dok damgnini authority-rangni mikkangosa songna nanga ine aganan baksa Assam aro Meghalayani sima ario donggipa A·chikrangni kosako ong·gija dakanirangko Meghalaya sorkari nirokatna nanga, je a·selrangan MoU soi ka·grikani ja·man intal ong·enga aro MoU soi ka·ani giminan nanggrikanirangona sokatenga, iako A·dok sorkari dingchike ra·na nanga ineba NGO-rang aganaha.
Sima ario donggipa manderang tom·tomaniko namnikgiparang ong·a aro tom·tomen meli-nangrimen dongtokengachim, indiba A·dok damgnini gisepo MoU-ko soi ka·ani ja·mano kajia golmalrangona sokatenba manderangko rim·e bichal ka·anirangko dakenba sin·jetanirangko on·enga, unigimin ia ong·enggipa obostarangna Meghalaya Sorkari an·tangan daito ra·enba a·sel obostarangko nirokatna nanga ine NGO-rang didianiko on·aha.
Sima ario ong·enggipa obostarangko niatchina NGO-rang CM-ko didia
Date:
Share post:
