Tuesday, July 1, 2025
spot_img

Phulbari NGO-rang, bol cha·ue salgiparangko rim·a  

Date:

Share post:

spot_imgspot_img

Tura: Machangpani songni sepangjolgipa biapo Sonibar atamo niamgri bol cha·ue salgiparangko Phulbari-ni NGO memborrang rim·aha. Indake rim·a man·giparangko police-na pakwatangaha. Cha·ue bol salgiparangni kosako forest department kam ka·angskagen.
GSU, GSMC aro AYMBS NGO dolrang, niamgri bol cha·ue salani koborko man·e sandina ong·katon, bolgni gari re·ako nikna man·aha. Indake ua gariko dondipate am·sandianiko dakon koratchi den·daldalgipa bolrangko nikaha.
ML 08G 0524 aro ML 08C 1223 – ia nomborni bolgni gario niamgri bolko salna jakkalaha. WGH Phulbari jolni police-na koborko on·ataon uamang jolan sokange bol salgipa gariko ra·sekaha aro NGO-rang, police-na mamlako segataha.
“Chinga gariko police-na pakwataha aro state forest department-naba u·iataha. Indake niamgri bol salgiparangni kosako rakgipa ja·kuko de·china mol·molaha. Iandakgipa obostarangko nikna man·ronga, uni gimin bol cha·ue salgiparangni kosako rakgipa ja·kuko de·jaskalde iandakgipa obostarangko champengna man·jawa, ine GSU-ni vice president Peter A Sangma aganaha.
Buring-bolgrim jolrangoniko niamgri bol cha·ue ratani obostarangko name dake nirokna man·jaengani gimin NGO-rang suk ong·gijako parakaha. GHADC aro a·dok sorkarini forest department, gimik ramarangkon name dake nirokenga ong·ode maidake niamgri bol cha·ue salako nikna man·skaenga ine sing·ataha.
“Garo Hills-o batanggimin antirango mikka jime waanichi a·a rurongdapa chibana a·selrangko nikna man·aha aro sak 14 manderang sitokaha. An·chingoba climate change-ko talen nikna man·engjok. Indake somoio mikbokrakgiparang buringko bon·atna jotton ka·kuenga aro iako dal·en ra·jaenga. Indake ong·angkua ong·ode Garo Hills ta·raken bangbanggipa ong·skagnok, ine AYMBS-ni president Nikseng Sangma aganaha.
Uandake GSMC-ni Jack A Sangma-ba Garo Hills-o nirokgipa dolrangni simsakgijani a·sel iandakgipa obostarangko bang·en nikna man·enga ine agandapaha.

spot_imgspot_img

Related articles

Ardhendu Sekhar clinches title at 48th M’laya Chess Championship

Shillong, June 30: The 48th edition of the Meghalaya State FIDE Rating Chess Championship 2025 came to a...

Neeraj learning ‘concept of flow’, wants Sachin’s ‘superpower’ to handle challenges

New Delhi, June 30: Neeraj Chopra says he is “slowly understanding the concept of flow” after his celebrated...

Minor boxer alleges sexual harassment by woman coach; parents lodge FIR

New Delhi, June 30: A woman coach with the Sports Authority of India’s National Boxing Academy in Rohtak...

Real tournament will start from quarters: Sreejesh on Jr WC

Bengaluru, June 30: India coach PR Sreejesh says competing in the FIH Junior World Cup in a new...