Saturday, July 12, 2025
spot_img

Rari songni manderang MeECL-ko matnangani dongja ine talata

Date:

Share post:

spot_imgspot_img

TURA: North Garo Hills a·jani Bajengdoba aro Rari songrangna bijoli on·enggipa transformer nosto ong·e bijoliko man·gijani da·o jasa batpilengahani a·sel songni manderang neng·nikanirangko man·tokna nangengaha ine adita salrangna songbadrango seataniko Rari songni manderang jegalatenba, iani bidingo Rari songni manderang MeECL-ko maming matnangani dongja aro kamko ka·anio songni manderangba MeECL baksa bakrimanikosa on·enga ine talataniko on·angaha.

“Jasa ata skang bijoliko on·enggipa transformer nosto ong·ani bidingo aro bijolini kajinarangko gamchipjani a·sel bijoliko man·pilkujaenga ine chinga Rari songni dilgiparang, songbadrangna agan-parakata dongkujachim aro batesa department baksa bakrime, songo bijoli jakkalenggipa nokdang ge·antikon man·a dipet ta·raken an·tangtangni bill-rangko gamchinasa didiengachim. Chinga iandake department-ni kosako songbadrango see parakatna aro darangkoba matnangna miksonganirang dongja,” ine Rari songni dilgiparang, seachi parakataha.

Rari jolrango bijoli jakkalgiparangoniko gong lak 11-na baten kajinarangko man·na nangkuenga ine songbadrango parakataniko jegalatengon, da·o dipet Rari jolrango bijoli jakkalenggiparangoniko gong 9,46,436/-kosan man·na nangkuengachim ine Rari songni dilgiparang talataniko on·angaha.

“Rari jolo bijoli jakkalenggipa nokdang ge 63-oni nokdang 37-de an·tangtangni gamna nangenggipa kajinarangko gamanaha aro bangki dongkuenggipa nokdangrangkoba chinga man·a dipet ta·raken gamchina didienga,” ine Rari songni dilgiparang parakatenba, songna bijoli on·enggipa transformer-ko ta·raken taripilenba songni manderangna bijoliko on·piltaichina department-ko mol·molataha.

spot_imgspot_img

Related articles

IIM-Calcutta rape case: Questions raised over campus security

Kolkata, July 12: Serious concerns have emerged over the security arrangements at the Indian Institute of Management-Calcutta (IIM-C),...

16th Rozgar Mela: Nationwide joy as PM Modi distributes 51,000 appointment letters

New Delhi, July 12: A wave of jubilation swept across the country on Saturday as Prime Minister Narendra...

Manipur: 12 active militants of 3 outfits arrested by security forces, arms recovered

Imphal, July 12: The security forces in Manipur have arrested 12 militants of various banned extremists outfits and...

Delhi building collapse: Two more rescued from debris, operations continue

New Delhi, July 12: Two more people were rescued on Saturday afternoon from the debris of the collapsed...