SHILLONG: Khasi aro Garo ku·sikrangko Constitution-ni Eighth Schedule-o ra·gatchina dabie Mongolbar salo, Meghalaya a·dokni All India Trinamool Congress (AITC) MLA-rang aro Trinamool Congress MP-rang, New Delhi songjinmao donggipa Parliament-o jingjengataniko dakangaha.
Assam aro Meghalaya a·dokni simarango ong·enggipa golmalrangko namatna gita dolgni sorkarirangni soi ka·grikgipa Memorandum of Understanding (MoU)-ko a·dok damgnini manderang ra·chakna man·tokjaenga ine Assam aro Meghalaya sorkarirangni soi ka·grikgipa MoU-ko den·galpilchina gitaba TMC-ni dilgiparang dabiangtokaha.
Assam aro Meghalaya a·dokni simarango meligrikna man·jaenggipa biaprangko namatna gita dolgni sorkarirang soi ka·grikahaoba da·o iako bon·kame ra·chakaniara ma·mong sorkarini jakosa ong·engachim ine nikna man·a.
Uandaken Assam aro Meghalaya sorkarirangni soi ka·grikgipa MoU-ko ra·chakjachina aro MoU-ko den·galpilchina gita dabie Mongolbar salo Meghalaya a·dokni AITC MLA-rang, Parliament mikkango jingjengatanirangko dakangaha.
