Garo Hills-o BJP-ni membor-rangko police-rang dokkol ka·enga ine Hek matnanga

SHILLONG: Garo Hills-o BJP-ni dilgiparangko aro BJP-na kam ka·enggiparangko police-rang dokkol ka·enga ine matnanganirangko man·ahani gimin BJP-ni national executive membor aro a·dokni MLA AL Hek, suk ong·gijaniko parakataha.

“BJP-ni dilgiparang aro BJP-na kam ka·enggiparang mai namgija kamko ka·ahani gimin Garo Hills-ni police-rang, uamangko kal·ake rona jotton ka·enga,” ine Hek sing·doangaha.

BJP-ni dilgiparangko police station-ona okamate kal·ake rona jotton ka·aha ine ua songbadrangoniko poraisona man·aha ine janapatengon, BJP-ni dilgiparangko konta chet konta skulrangna police station-o asonge donaniara ra·chakna man·gijagipa kam ong·a ine Hek parakataha.

“Iasan ong·aigija, uamangoni bang·batakon salgipinoba police station-ona okamate roaha. BJP-ni dilgiparangko aro kam ka·giparangko iandake kal·ake roaniko chinga nie dongna man·jawa,” ine Hek aganaha.

BJP-ni dilgiparangko maiba sing·na nanganirang donggenchimode, talatanirangko on·na nangachim ineba BJP MLA parakataha.

BJP-ni state vice president Bernard Marak-ko rim·ani bidingo sing·on, Marak-ni kosako matnanganirangko police-rang am·sandina a·bachengahani gimin ua iani bidingode mamingkoba aganna sikjaenga ine Hek parakataha.

“Police-rang niam gita kamko ka·china aro niam gita kamrang ong·aichina,” ine Hek aganaha.

Get real time updates directly on your device, subscribe now.

Comments are closed.