A·doko ge 150 health centre-rangko rikgen

SHILLONG: A·dokni Chief Minister, adita salrang skangsan Health Systems Strengthening Programme-ko parakate on·aha. Re·baenggipa bilsi 3-ni gipepo, a·doko ge 150 heath centre-rangko rikgen ine aganaha.
Ia programme-o Meghalaya sorkari, SELCO Foundation aro Sauramandala Foundation baksa technical desigh development-o kam ka·rimgen.
A·dokni bang·bata health centre-rangon niksamsogija a·sel ong·gipa jekai- banggria, mikka-balwa raka ba uandakgipa somoirango nangchake kam ka·na bilongne neng·nikako man·ronga, jeni a·sel healthcare-o nangchaka. Iandakgipa obostarangara saa man·giparang, Auxiliary Nurses aro Midwives- jemangan centre-o chalaia, dolgninan neng·nikaniko on·a. Builidng infrastructure bilgria ba namgijani a·selrangba ma·gipa, bi·sa aro buchuma-budeparangna neng·nikani ong·bata
Uandake ia programme-o design ka·gipa infrastructure mikka-balwa, sin·a, banggria aro a·a rurongdapa ba uandakgipa a·selrangko chelchakna ba warachakna bilakgipa ong·gen, unbaksana kal·chakani biaprangba donggen.
‘Covid-19 sajinmani somoio doctors, ANMs aro asha worker-rang uamangni kam ka·chakram PHCs, CHCs aro sub centre-rango medical equipment aro cholrang komiani gimin unbaksana kam ka·na changgiparang dongjani gimin bilongen neng·nikarangko man·tokaha. Iarangan a·dokni health centre bilgria ba ja·manchakaniko mesoka, uni gimin sorkari, a·dokni health system-ko bilakatna ja·ku de·aha, ine CM Conrad Sangma aganaha.

Get real time updates directly on your device, subscribe now.

Comments are closed.