Tura: West Garo Hills District-ni Dalu-o Congress youth wing-ni chu·gimik memborrang bon·jolpile United Democratic Party-o napna, INC-oni ong·katgrimaha, ian Congress-na namen jagokatani ong·a.
Iani gimin parakatengon, youth wing vice president Anand Marak, UDP-ni gipin dilgiparang baksa Congress-oni ong·katgipa memborrangko rimchaksoaha aro constituency-na Dalu Youth Wing circle-koba songe on·jolangaha.
“Ching baksa bakrimegipa memborrangko nike namen kusi ong·soa, aro chinga mikkangchi apsan ong·e, Dalu-ko develop ka·na kam ka·anggen aro party-ko bilakatdapna apsan ong·e kam ka·gen, ine Anand aganaha.
Indake ong·engon UDP, Avi Ch Momin-ko circle-ni youth president parakataha. Johnystone Sangma-ko general secretary songskaha. Ishak Momin-ko vice president, Warpol Marak-ko joint secretary, Watme Marak-ko me·chik secretary, Ananya Sangma-ko women’s joint secretary aro Borthoromeo Sangma-ko organizing secretary songaha. Uamang baksa sak 23 executive memborrang constituency-na kam ka·anggen.
