TURA: Matchotgija dongenggipa case-rangko nipilna gita mijal Sukrobar salo, East Garo Hills Police-ni Crime Review Meeting-ko East Garo Hills a·jani Superintendent of Police (SP) Abraham T Sangma-ni office-o ong·atangaha aro ia tom·anio East Garo Hills a·jani dingtang dingtang police officer-rang bakko ra·angaha.
Ia tom·anio matchotgija dongenggipa case-rangko nipilangengon, manderangna kakket bichalko on·na man·na gita ia case-rangko matchotatchina East Garo Hills a·jani SP, a·jani police officer-rangko didiangaha.
Dingtang dingtang case-rangko jako ra·e kam ka·anio investigating officer-rangna pilak nanga dakchakanirangko on·na gitaba ua ku·rachakaniko on·angaha.