SHILLONG: Meghalaya Regulation of Gaming Act 2021-ko ra·galpilchina gita Hynniewtrep Youth Council (HYC), a·dokni Chief Minister Conrad K Sangma-ko didiangaha.
Gaming Commission-ni chairman aro gipin membor-rang, dormaharangko oke cha·engani gimin iandakgipa commission-rango manderangni tangka paisarangko indin bon·atjachina gitaba HYC didiangaha.
Gaming Commission-ni membor-rangko ra·galchina dabiangengon, sakgittam manderangna on·gipa temporary licence-rangko den·galpile iani bidingo jinmana u·iatna nanga ine HYC parakataha.
A·doko joa kal·anirangko champengna dongimin niamrangko bilakbatatchina gitaba HYC dabiangaha.
HYC-ni parakatani gitade, Gaming Commission-ni chairman aro gipin membor-rangko songna miksonganio Search/Selection Committee-ko Taxation Department songaha ine uamang, Commissioner of Taxes, Shillong-ni PIO-oniko kobor man·soaha.
“PIO-ni aganchakanio chinga, Gaming Commission-ko songani bidingo a·dokni Cabinet, changsaba chanchirima ba ra·chaka dongkujachim ine ma·sina man·aha,” ine HYC-ni president Robertjune Kharjahrin parakataha.
“Joltangni manderangko joa kal·anio bak ra·na on·jagenchimoba, joa kal·chakgipa biaprango noti dari dakani, pekatgipa samrangko jakkalani aro gipin ong·gija dakgipa kamrangko champengna ia Act-o maming niamrang dongjani gimin mikkangchi ia biaprango iandakgipa kamrangko nikskana man·aigen ine chinga niksamsona man·enga,” ine HYC parakataha.
Comments are closed.