Tura: Mijal salni bako, College of Science, Central University, Sangsanggre Tura, Tura District Auditorium-o, 19-gipa Foundation Day aro Annual College Week-ko ong·atanio, Meghalaya a·dokni Chief Minister Conrad K Sangma bakko ra·angpaaha.
Programme-o Chief Guest ong·e bakko ra·e, Chief Minister pooraienggipa chatrirang aro skie on·enggipa teacher aro sakanti kam ka·giparangna nama skaaniko on·angaha aro college-ko Tura-ona ra·bana gita, Lok Sabha-ni gitcham speaker Late P A Sangma dingtang dingtang kamrangko ka·aha ine aganangaha.
Songsalko ra·doanio, College of Community Science mangsonggipa bak ong·a maina songo noko donggipa manderangna bosturangko tarina skie on·a baksa songni manderang baksa ia college nangrime kamrangko ka·gipa ong·a ine ua aganangaha. Self Help Group-rangni gimin janape, ua skang salrangode ge 4000 SHG-rangsan dongaiachim indiba da·ode ge 42,000 SHG-rang dongaha aro ian namgipa kobor ong·a maina jolo donggipa me·chikrangko pilak kamrangko bak dongpaatna gita, sorkari rake kamrangko ka·eng ine ua aganangaha.
Programme-ona Guest of Honour ong·e re·bagipa, MP Agatha Sangma-ba College of Community Science noko man·gipa bosturangko tarina skigipasan ong·jaha indiba technology-rangko jakkale cha·anirangko tarina, cholrangko tarina aro dingtang dingtang bosturangko tarina dakchakgipa biapba ong·aha.
Dr. Anupam Mishra, Vice-Chancellor, CAU, Imphal, Northeast-ni dingtang dingtang biaprango, University-ni course-rangko on·ani gimin agana baksa Meghalaya sorkarini pilak nanganirango dakchakaniko on·enganinaba mittele aganangaha.
Programme-ko ong·atanio, Agatha Sangma, Annual College Week-o nambate dakgipa aro Best House-rangna prize-rangko on·angaha aro batanggimin salrango, Thailand-ona re·ange skie ra·bagipa chatrirangna Certificates-rangkoba on·angaha.
West Garo Hills-ni, Deputy Commissioner, Swapnil Tembe, Professor Namita Singh, FSN Department CCS, CAU, aro CAU, CSS-o kamko ka·enggipa dingtang dingtang manderang aro student-rangba programme-o bakko ra·angaha.
College of Community Science-ni Foundation Day-o, CM bakko ra·anga
Date:
Share post:
