SHILLONG: Meghalaya Early Childhood Development Mission-ni bidingo State Level Workshop-ko mijal Sombar salo, Shillong songjinmani Secretariat Building-o donggipa Yojana Bhawan-o ong·atangaha aro ia workshop-ko ong·atanio a·dokni Chief Minister Conrad K Sangma-ba dongpae bak ra·angaha.
Ia workshop-ko ong·atanio a·dokni Chief Minister, jinmana aganprakangengon, ia Early Childhood Development Program-ara namen nangchongmotgipa program ong·a maina ian bi·sarangko chonengmitingonin tarisamsona ra·gatgipa program ong·a ine parakangaha.
“Bang·bata nokdangrangon an·ching bilsi 14 ba 15 ong·ahaosa bi·sarangko janggi tanganio mande ong·atna tarina a·bachengronga indiba bi·sani chonkuengmiting somoirangonin an·ching bi·sarangko tarisamsona nangachim. Bi·sarangko chonmitingonin tarisamsogenchimode bi·sarang janggi tanganio nambate chu·sokgiparang ong·na man·a,” ine Sangma aganaha.
Bi·sani an·seng baljokgipa ong·ani aro dal·roroaniara uni an·o dongengmiting somoionin ma·gipani an·seng baljokanio, cha·a ringanio aro samtangtangoba pangchaka ineba Chief Minister aganaha.
Ia Early Childhood Development Mission-ni gimin talataniko on·angengon, ian manderangna aro songsalna namgniko ra·bana gita bi·sako an·seng baljokanio aro u·i-ma·sianio dal·roroatna ra·gatgipa program ong·a ine Chief Minister parakataha.
“Ia program-ara namen nangchongmotgipa program ong·a maina nama simsak nirokani aro a·gilsakni seng·ani baksa dal·roroatako man·gipa bi·sarangan mikkangchi namroro silroroaniko ra·baskana man·giparang ong·a,” ine ua aganaha.
Ia workshop-ko ong·atanio Meghalaya Early Child Development Mission-ni logo-koba a·dokni Chief Minister, oprake on·angjolaha.
Ia workshop-ko ong·atanio dingtang dingtang a·jani aro block-ni official-rangba dongpae bakko ra·angtokaha.
Early Childhood Development Mission-ni bidingo workshop-ko ong·ata
Date:
Share post:
