TURA: Upscaling of Aapda Mitra Scheme-ni ning·o West Garo Hills a·jani community volunteer-rangna brigipa aro bon·kamgipa training program-ko Tura-ni SMELC Building-o October 10 tarikoni October 22 tarikona West Garo Hills District Disaster Management Authority (DDMA)-ni gita ong·atenga.
Ia bon·kamgipa training program-ko a·bachengatanio West Garo Hills DRDA-n Project Director aro DDMA-ni CEO Dolrich BG Momin, mongsonggipa sokgipa ong·e jinmana aganprakangengon, a·sel ong·ani somoirango manderangna dakchake on·giparangni gamchatgipa ong·ani gimin talataniko on·angenba, ia Aapda Mitra-rangna training matchotahaode First Responders ong·e kamko ka·anggen aro tanggitik a·sel ong·ani somoirango dakchakanirangko nangenggipa manderangna dakchakanirangko on·anggen ine parakataha.
Aapda Mitra volunteer-rangna training-ko on·ani bidingo talataniko on·angengon, tanggitik a·sel ong·ani somoirango manderangni gamchatgipa janggirangko jokatna miksonganiosa ia training-ko on·enga ine Momin parakataha.
Ia training-ko India sorkarini ge·etaniko man·esa ong·atenga ine janapatengon, West Garo Hills a·jana seokgimin sak 200 volunteer-rangko bakbri dake training-ko on·angaha aro da·o ian bon·kamgipa sak 50 volunteer-rangna training-ko ong·atenga ine Momin parakataha.
Ia training program-ko a·bachengatanio dongpae jinmana aganprakanggipa gipin manderangara, West Garo Hills a·jani District Disaster Management Officer James D Sangma, Tura-ni Sub-Divisional Medical Officer Dr Priya Sengse Sangma aro Tura Civil Defence & Home Guards-ni Deputy Comptroller Sentilla Marak ong·a.
WGH-ni Aapda Mitra Volunteer-rangna bon·kamgipa Training-ko a·bachengata
Date:
Share post:
