Tura: Garoland State Movement Committee (GSMC), National Federation for New States (NFNS) baksa bakrime Garoland a·dokko dabina ja·ku de·anio pilak manderangkon October 29 tariko apsan tom·e dabianiko dakangna ku·mongataha.
GHADC-ni Deputy CEM aro NFNS-ni vice president, iani gimin koborko on·atengon, indine aganaha, “India a·songo donggipa dingtang dingtang bakrangoni dilgiparang, jemangan dingtang a·dokna dabienga, uamang chingni dabianina chakpae, GSMC aro gipin movement dilgiparangna chake bakrimgen.
Indake Nikman, gimik dilgiparangkon dongimin sal somoio ong·atnaseinggipa tom·anio bak ra·epachina mol·molataha. Teteng Aja-o tom·na gita biapko tik ka·aha.
“Jinma apsan ong·e kam ka·a ong·ode, je kamoba chu·sokna ama. Jedakgipa neng·nikarangko ba obostarangko chakchikna amaigen. Dingtang dingtang gimik social organisation aro NGO-ni dilgiparangko pilakkon rimchaksoa. An·ching saksa sakgipinna chakpagrikna nanggen, unode Garoland a·dokna dabianio chu·sokaniko man·aigen ine Nikman aganaha.
