Tura: South Tura-ni gitcham MLA, John Leslee K Sangma, a·dok sorkari aro Urban Affairs department-ko ‘beautification and Improvement of Tura’ project-na matnange, indin tangka paisako gale dongasan ong·a baksa jolni manderangna batesa neng·nikako ra·baa ine aganaha.
Department ia beautification ba nitoatna kam ka·ani project-ko Uttar Pradesh Noida-ni MSL Jangid IV aro Cee Cee Construction-na bilsi 2020-ko on·aha. Beautification project-ko ‘Beautification of Tura Junction’ ine Urban Affairs department, bimingko donaha. Jeni a·sel jolni manderang badia junction-ko janapa iani gimin jaja-jiji ong·tokenga. Ia project-ni damara kror 12.45 ong·a.
“RTI-oniko u·ina man·ani gita, ia project-ko a·dokoni ong·gija a·paloni gipin firm-sa, Tura songjinmani gimin mamingkon u·igijagipasa tariaha, ine Leslee aganaha.”
Sorkari, gipin agency-ni tarigipa project-ko name dake nichenggija ra·chakaha aro officer-rangba skatang seal aro signature-ko on·e, contracter-rangko kam a·bachengna cholko on·aha ineba matnangaha.
“Ia project-ni kamko ka·engon, jolni manderangna baditan neng·nikarang sokenga. Dam rakgipa flower pot ba pul ge·chakgipa jeni daman ge·prakon 7474 ong·a, aro ge·prak electric post-ni dam 99,332 ong·gipako footpath-rango songaha, ian rama ja·ako re·giparangna neng·nikako on·enga.”
“Tura-ni ramarango paksamsaosan footpath dongaia, uaba feet 3-san ong·aigen, ukomangba a·dok sorkari, jolni manderangoniko ra·sekenga. Footpath-rango dal·dalgipa pul pot aro electric post-rangko songenga.”
RTI-ni gita, chu·gimik ge 164 electric post aro ge 465 pul potrangko songgen.
“Ia project-na sorkari, indin tangka-paisako gale roenga, jolni manderangna namgniko ra·baani palo batesa neng·nikatenga, ine gitcham MLA Leslee matnangaha.
‘Beautification and Improvement of Tura’ project-na sorkariko matnanga
Date:
Share post:
