TURA: Farmers’ Training Cum Exposure visit-ko, ICAR-KVK, West Garo Hills, Meghalaya Piggery Mission (MPM), East Garo Hills, Meghalaya baksa nangrime ong·atangaha ine koboro parakataha.
Indake, salgnina ong·atgipa training-ko, Sangsanggre-ni KVK campus-o, October 27 tarikoni 28 tarikona ong·atangaha.
Programme-ona re·bagipa manderangko rim·chaksoani kattarangko agana baksa, KVK, WGH-ni Head, oprake on·angaha. Dr. Eldora Momin, Nodal officer, Piggery Mission, EGH, Meghalaya-o a·dokni piggery mission-ni gimin talate on·aniko dakaha aro Dr. Sagarika Borah, STO, KVK, WGH, scientifically wakrangko jilani gimin skie on·anirangko dakangaha. Programme-ona skie ra·na re·baggipa manderang, KVK farm-ni dingtang dingtang bakrangko re·e nianirangko dakaha aro uamangko, Dr. Tarun Kr Das, SMS, KVK, WGH re·dilangaha. Skie ra·na re·bagiparangna mangsongbate, KVK-ni, fodder plot aro azolla unit-ko mesokangaha aro wakrangko jilanio tangkarang indakpile jakkalgija cha·anirangko on·ani gimin skie on·aniko dakaha.
Programme-ko namen matchotatna gita man·aha aro bon·kamao, Dr. Tara S Sangma, Vety. Officer, EGH, Meghalaya, mittelani kattarangko agane programme-ko matchotataha.
Farmer’ Training Cum Exposure visit-ko, KVK, Sangsanggreo ong·atanga
Date:
Share post:
