SHILLONG: Education Lakhmen Rymbui-ni mijal salni bako aganani gitade, poraienggipa chatro chatrirangni scholarship-ko mikkang antide on·aba donga.
”Ma·mong sorkarini gita ia antio kror 148 tangkarangko on·ataha aro mikkang antini gisepode chinga, scholarship-ko post matric student-rangna on·atnaba dongaha,” ine Rymbui aganangaha.
Indake batanggimin somoirango, poraienggipa chatro chatrirang social media-rango sorkarini gita scholarship-rango on·a ja·manchakenganina suk ong·gijanirangko aro matnanganirangko daktokaha aro iani a·sel indakgipa ja·ku ga·anirangko a·bachengatengaha.
Batanggimin salrango, AHAM-ni gitaba, Tura songjinmao, Chief Minister Conrad Sangma-ko gronge, 2021-22 bilsini scholarship-ko on·china agananiko dakaha.
”Tangkarangko nangchongmotenggipa student-rang admission-rangko ka·na aro nangarangna jakkalna gita scholarshipo pangchake senge dongtokengaha,” ine koboro parakataha.
Apsan daken, Meghalaya-ni Trinamool Congress Student Union-ba, Meghalaya sorkari-ko a·dokni student-rangna ta·rake on·china agananirangko dakaha.
Student body-ni aganani gitade, scholarship-rangko on·jaani a·sel porikkarangko sena gita tarienganirangkoba nosto ka·engaha.
TMC-ni aganani gitade, batanggimin salrango chief minister scholarship-rangko on·a ku·chakgenchimoba apsan dakgipa obostan ong·ainga.
