AMPATI: South West Garo Hills district-ni ning·o 53-Ampati (ST), 54-Mahendraganj (ST) aro 55-Salmanpara (ST) Legislative Assembly constituency-ni Draft Photo Electoral Roll-ko 1960 Registration Of Electors Rules-o pangchake tariman·aha aro uni copy-rangko dingtang dingtang Political Party-rangni representative-rangna ERO-rangni jakchi Budbar salo sualataha.
Ia Draft photo Electoral Roll-rangko DC office Election Branch-o aro polling station-rango bimingrangko electoral roll-o tik ong·e segatama segatja uarangko office-ni somoio niena man·gen.
Ia Photo Electoral Roll-rangko tarina Election Commission-ni tik ka·gimin tarik, ja aro bilsiko hisape, jemangan 01.01.2023-o bilsi 18 gapahachim, ba saniba bimingko Electoral Roll-o segualani ba photo dingtang ong·ode ba saniba bimingko den·galna nangnikode, ba saniba biming, song ba bilsiko taridapna nangnikode, dorgastorangko kragipa form 6,7, 8 aro 8A-rango gapate 09-11-2022 tarikoni 08-12-2022 tarikona kingking DC office Election Branch-ona sokatna ba polling station-tangtango dongimin BLO-rangni jako on·ena man·gen.
