WILLIAMNAGAR: Budbar salo, East Garo Hills a·jani District Library aro Arts & Culture Department nangrimenba, ma·mong sorkarini ning·o donggipa Culture Ministry aro Raja Rammohan Roy Library Foundation-ni dakchakanichi, Raja Rammohan Roy-ni chang 250-gipa atchiani salko Williamnagar-ni DRDA Hall-o gisik ra·e maniangaha.
Ia salko manianio East Garo Hills a·jani Additional Deputy Commissioner A Ch Marak, mongsonggipa sokgipa ong·e bakko ra·angaha aro unbaksana Educere Higher Secondary School-ni headmistress Gamchi Timre R Marak-ba dongpae bak ra·angaha.
Ia tom·anio East Garo Hills a·jani ADC A Ch Marak, jinmana aganprakangengon, Raja Rammohan Roy-ni janggi tangani bidingo chatro chatrirangna agan-talate on·angaha aro me·chikrangko bil gnangatna nangengani giminba aganangaha.
Ia tom·anio Educere Higher Secondary School-ni principal Gamchi Timre R Marak-ba jinmana aganprakengon, me·chikrangko bil gnangatani gimin aganangenba, songsalo ong·gija dakgipa kamrangko bon·atna Raja Rammohan Roy kamrangko ka·angaha ine gisik ra·atpilaniko on·angaha.
Chatro chatrirangnaba ua ia manianio agan-ku·pattianirangko on·angaha.
Tom·a matchotani ja·mano dingtangmancha chatro chatrirang jinma re·jomanikoba dakangaha.
W’nagar-o Raja Rammohan Roy-ni chang 250-gipa atchiani salko gisik ra·a
Date:
Share post:
