TURA: Garo Hills-o dingtang dingtang political dolni dilgiparang, an·tangtangni manderang baksa Trinamool Congress (TMC)-o napangaha.
Bristibar salo TMC-o napanggipa manderangoni mitamrangara, Amongpara-ni NPP-ko dilgipa Wilnath T Sangma, Silkigre-ni UDP-ko dilgipa Jadush M Sangma, Silkigre-ni NPP-ko dilgipa Darwin Ch Sangma, Ruga-ni NPP booth president Bikash Marak, Warima-ni NPP booth president Firosh K Sangma aro gipinrang ong·a.
Ia gital membor-rangko, Chokpot-ni TMC MLA Lazarus M Sangma, Amongpara-ni MDC Nehru D Sangma, South Garo Hills a·jani district convenor Dr Saljagring Marak, Chokpot block-ni vice president Dipur Ch Sangma aro TMC-ni gipin dilgiparang rimchaksoaha.
