SHILLONG: Meghalaya Sorkari uni songrangko namroroataniko ra·bana krenge kam ka·anirangko dakangengon, CM ‘FOCUS+’ Farmers’ Welfare Programmeni ning·o game cha·gipa ge 149 nokdangrangna tangkarangko sualataha. FOCUS programmeni ning·o, sak 3518 memborrang gnanggipa chu·gimik ge 278 FOCUS PG-rang da·o dipet donga, indake sak 1150 memborrang gnanggipa ge 76 PG-rang tangkarangko man·manaha. Bangki donggipa ge 202 PG-rangni ning·o sak 2368 memborrang uamangni tangkarangko ru·utgija somoirangni gisepon man·gen ine chief minister mnisalo West Ri Bhoi a·jao Patharkhmah Civil Subdivisionko songe on·miting somoio aganaha.
Meghalayani pilak producer nokdangrangna namgniko on·a gita ia ‘FOCUS+’ ko a·bachengataha. Ian Meghalayani game cha·giparangni dal·batgipa welfare program ‘FOCUS’-ni bak ong·a. Ia ge·gni schemerang (Focus aro Focus+) Meghalayani game cha·gipa nokdangrangna nokprako gong 10,000 tangkarangko on·e namgnirangko ra·bagen.
Iana agreba dingtang dingtang Financial Assistance Programrangni ning·o tangkarangko chief minister sualataha.
Startup Programmeni ning·o ge 589 SHG-rangna, Rural Finance (RF) Programni ning·o ge 568 SHG-rangna, bank loan-ni skanggipa bakko ge 390 SHG-rangna aro ge 41 SHG-rangna gnigipa bakko sualataha. Biaponi ge 674 SHG-rang dal·rorobaenggipa me·chik dolrangni bak ong·a ine janapna gita krabea. Biapni wilwilao donggipa SHG memborrang chu·gimik sak 6087 ong·gen.
Startup Programni ning·o tangkarangko ge 64 VO-rangna (Village Organization), CIF-ko (Community Investment Fund) ge 30 VOrangna aro VRF-ko (Vulnerability Reduction Fund) ge 21 VOrangna sualataha. (Vulnerability fund-ara VO-rangna on·gipa corpus fund ong·a) Iako nokdangrangni ba songdonggiparangni chagronggipa dingtang dingtang neng·nikanirang jekai cha·ani ringani chu·onggijani, saa-ding·anirang, sagitikani/hospitalrango donani, ong·telaigipa a·sel aro uandakgiparangna jakkalna gita a·bachengataha ineba chief minister aganahachim.
‘FOCUS+’-ni ning·o ge 149 Producer nokdangrangna tangkarangko suala
Date:
Share post:
