TURA: Sombar salo, Central Agricultural University (CAU)-ni ning·o donggipa Tura-ni Community Science College-o World Soil Day 2022-ko maniangaha aro ia salko manianio college-ni chatro chatrirang, game ge·e cha·giparang, dingtang dingtang department-ni officer-rang aro Community Science College-o kam ka·enggipa manderangba bakko ra·angtokaha.
Ia salko maniani bak gita program-ko ong·atanio West Garo Hills Agriculture department-ni Joint Director S Kharsati, mongsonggipa sokgipa ong·e bakko ra·angaha aro unbaksana South West Garo Hills a·jani District Horticulture Officer D Nongkhlaw, Agriculture (Soil Survey)-ni Assistant Director Iti D Sangma aro gipin officer-rangba bakko ra·angaha.
Ia program-ko ong·atanio Agriculture department-ni Joint Director S Kharsati, jinmana aganprakangengon, Soil health-ni bidingo aro cha·ani baksana a·salni bak ong·ani bidingo agan-talate on·angaha. A·salrangni gamchatgipa ong·ani giminba ia tom·anio ua jinmana agan-talate on·angaha.
Ia World Soil Day-ko maniani bak gita Rangoli competition, Painting competition aro speech competition-rangkoba ong·atangaha.
Ia program-ko ong·atanio dongpae jinmana aganprakanggipa gipin manderangara, Community Science College-ni Asst Prof Dr Pavan Kumar ST, Ampati-ni DHO D Nongkhlaw, Community Science College-ni Dean Dr Namita Singh aro gipinrang ong·a.
