Shillong: Mawphlang-o Deputy Chief Minister, Prestone Tynsong, Mawphlang Division Executive Engineer, PWD (Roads)-ni Office-ko oprake on·angaha. Ia oprake on·-enggipa Mawphland Division a·jolni manderangni ru·uta sal somairangoni jumang nikaniko be·en pilatani ong·a, Prestone Tynsong aganaha. Ia division da·o kam ka·enggipa sub-division-ni gadangko tang·doata ong·ja indiba gitalgipa division-ko dakaha aro ua sub division-koba jakkalangkugen, ua aganaha. Sorkarini bil aro manderangna sepangbate kam ka·na miksonge Dadenggre, Kharkutta, Mawshynrut aro Maw-phlang-o ge·bri gitalgipa PWD Divison-rangko dakna sorkari chanchiaha, ua u·iataha. Shillong-o gari sikket-changket dakako komiatna PWD Shillong South Division-ko Pynursla-ona jitanggnok, Tynsong aganaha. Oprake on·ani programme-o Eugeneson Lyngdoh, MLA, Samlin Malngiang, MLA, Shri H Lamphrang Blah, MDC, Sherbor Mawlong, MDC, K K Mawa, Chief Engineer, PWD (Roads), S Kyndiah, Superintending Engineer, PWD (Roads), Eastern Circle, W Rilang Lyngdoh, Executive Engineer, PWD (Roads), Shillong South Division, gipinrangni gisepo Hima Mawphlang-ni memborrang dongpaaha.
