Shillong-o Krismas-ko name maniani gisepo namgijani nakata

SHILLONG: Mija Robibar salo Christmas-ko chu·-gimik kusi-katchae maniangaha.
Songjinma aro a·dok gimikni dingtang dingtang gilrango dingtangmancha olakianirangko ong·-atangaha.
Aroba Police Bazar-o bijolirangchi aro gipin gipin nitoatanirangko nitoataha aro ritchani ritcha mande-rang uamangni ripengrang aro nokdangrang baksa biapo mande jinma tom·chimongaha. Shillong-o bang·en a·song chiga nina-rona re·bagipa-rangkoba  niksoana gita man·aha.  Indake ong·engon Police Bazar a·jolo ge·gni video-rangni jangbing-bangaha jeon dolsa pante bi·sarang a·jolo kajia-golmal ba chrik-a·bokani-rangkoba nikaha. Ge·gipin video me·chik saksa Khyndailad a·jolo me·a bi·sa saksako gatingaming dokaming dakako nikaha. Ua a·selrangni bidingo ja·ku de·gen ine police aganaha. caption:Shillong songjinma Krismako manina pilakkon tariaha jeon songjinmani biaprango, giljarango aro sorkari office-rango dingtang dingtang bijolirangchi ching·ataha. UB