TURA: Re·bangenggipa election-na Kharkutta constituency-o BJP-na sin·kam teka gita dakaha, jeon sak 300-na batpilgipa memborrang baksa, Congress-ni gitcham membor Omilo K Sangma mijalo BJP-o ja·napeaha.
Omilo, adita salrangna skang mangmangosan, BJP-o napna gita sak 38 memborrang baksa Congress-oni ong·katahachim.
Party-ni koborrango gitade, Congress-ni gitcham membor una chakgiparang baksa Butbaro tom·e chanchirimaha aro sak 300-na batpilgipa memborrang baksa BJP-o bakrimeaha.
Omilo-ni, BJP-o bakrimani tom·anio, Assam-ni Deputy Speaker, Numal Momin mongsonggipa ong·e bakko ra·aha. Kharkutta, Mendipathar aro Bajengdobaoni susana gita party tikitna timenggipa candidate-rangba tom·anio dongpaaha.