Ge 60 Assembly seat-na sak 379 candidate-rang nomination file ka·a

SHILLONG: Meghalaya-ni ge 60 Assembly seat-rangna gimik sak 369 candidate-rang re·baenggipa February 27 tariko ong·atenggipa Assembly election-rango susana gita nomination file ka·angaha.
Nomination file ka·giparangoni, East Garo Hills-ni dam gittam constituency-rango me·asa sak 16 aro me·chik sak 2 gimik sak 18, North Garo Hills-o ge·bri constituency-rango me·sa sak 24, South Garo Hills-ni ge gittam constituency-rango me·asa sak 16, South West Garo Hills-ni ge 3 constituency-rango me·asa sak 12 aro me·chik sak 3 gimik sak 15, West Garo Hills-ni ge 11 constituency-rango me·asa sak 65 aro me·chik sak 4 gimik sak 69, East Khasi Hills-ni ge ge 17 constituency-rango me·asa sak 102 aro me·chik sak 14 gimik sak 116, Eastern West Khasi Hills-ni ge 2 constituency-rango me·asa sak 7 aro me·chik sak 2 gimik sak 9, West Khasi Hills-ni ge 3 constituency-rango me·asa sak 21, East Jaintia Hills-ni ge 2 constituency-rango me·sa sak 10 aro me·chik sak 3 gimik sak 13, West Jaintia Hills-ni ge ge 5 constituency-rango me·a sak 27 aro Ri-Bhoi-ni ge 5 constituency-rango me·asa sak 28 aro me·chik sak 7 candidate-rang susaenga. Indake ge 12 district-ni ge 60 constituency-rango gimikchi me·asa sak 342 aro me·chik sak 37 gimik sak 379 candidate-rang re·baenggipa election-o saksa sakgipin baksa susagrikanggen.